Gure bidea: plan orokorra berrikusten

Hiri antolamenduaren plan orokorra Astigarragaren etorkizuna hazkundeari begira planteatuko duen plana da. Epe luzerako plana da eta 10 urteko balioa izango du.

Astigarragak badu 2010.urtean onartutako ezaugarri hauek dituen plan bat baina urteak pasa ahala eta udalerriak bizi izan dituen aldaketak kontuan hartuz, beharrezkoa da plana berrikusi eta eguneratzea, egoera berrietara egokitu eta herriaren etorkizuna islatzeko.

Orain da unea gure bidea adostu eta astigartar guztion artean etorkizuneko Astigarragaren eredua finkatzeko. Gure esku dago Astigarraga nolakoa izango den eta nola hazi edo eraldatuko den erabakitzea.

Horretarako, Astigarragako plan orokorraren berrikuspenak partaidetza plan bat du, herritar, eragile eta auzoen ikuspuntu eta ekarpenak jasotzeko. Prozesu partekatu eta partehartzailea izatea nahi dugu eta, horretarako, guztion lankidetza beharrezkoa da.

Atari honetan edukiko duzu eskura prozesu horren informazio guztia, eguneratuta, guztiok parte hartzeko bidea errazteko. Udalak gonbidapena egiten dizu, bide hau elkarrekin egiteko.